«Менің жолым болғаны»: жас ұстаздарға арналған мотивациялық тренинг

Мектебімізде өтіп жатқан «Позитивке толы бір апталық» аясында жас мамандардың кәсіби бейімделуіне қолдау көрсету және олардың эмоционалдық тұрақтылығын нығайту мақсатында «Менің жолым болғаны» атты мотивациялық тренинг ұйымдастырылды. Іс-шараның негізгі мақсаты: Жас ұстаздардың өзіне деген сенімділігін арттыру, педагогикалық жолдағы алғашқы қадамдарында кездесетін қиындықтарды позитивті бағытқа бұру және ұжым ішіндегі өзара сыйластық пен қолдауды күшейту.

Тренинг барысында: ұстаздар өздерінің мамандық таңдаудағы сәтті сәттерімен бөлісіп, «ұстаз болу – бақыт» екенін терең сезінді. Түрлі психологиялық жаттығулар арқылы ішкі ресурстарды ашу, стресске төзімділік және шығармашылық шабыт алу жолдары қарастырылды. Қатысушылар бір-біріне жылы лебіздерін білдіріп, кәсіби тәжірибе алмасу арқылы ерекше қуат алды.

Тренинг соңында жас мамандар іс-шарадан алған әсерлерімен бөлісіп, алдағы жұмыстарына жаңа серпінмен кірісетіндерін жеткізді.

Мектеп психологтары: А.Ж.Байжанова, Ж.Қ.Қожахметова.

#психологиялық_қызмет